Цагдаагийн ерөнхий газар, Тагнуулын ерөнхий газрын дарга нарын хамтарсан тушаалаар байгуулагдсан ажлын хэсэгт хэлтсийн дарга, цагдаагийн дэд хурандаа Н.Баярмагнай оролцон ажиллаж, “Цагдаагийн байгууллага, Төрийн тусгай хамгаалалтын байгууллагатай хамтран ажиллах журам”-ыг шинэчлэн боловсруулж, батлуулан мөрдөж байна.

Төрийн тэргүүнүүдийн Нийслэл хот дотор болон хотоос гарах үед тээврийн хэрэгслээр зорчих үеийн хамгаалалтыг хэвийн зохион байгуулах зорилгоор үндсэн болон нөөц замын хувилбарыг Төрийн тусгай хамгаалалтын газартай хамтран шалгаж, шинэчлэн батлуулав.

Шинэчлэн батлагдсан хууль тогтоомж болон бүтэц, зохион байгуулалт, чиг үүрэгтэй уялдуулан байгууллага, алба хаагчдын ажил үйлчилгээг мэргэжлийн өндөр түвшинд, иргэд, олон нийтэд ил тод, хүртээмжтэй хүргэх стратеги зорилтын хүрээнд тус хэлтсийн алба хаагч нарын нэгдмэл байдлыг бататгах, алба хаагчид бие биенээ орлон ажиллах чадвартай байх, ажлын туршлага солилцох ажлын хүрээнд 2 хэсгийн алба хаагчдыг сольж ажиллуулах төлөвлөгөө боловсруулан баталж, хэрэгжүүлэв.

Монгол улсын төрийн тэргүүнүүд нийслэл төрийн болон аж ахуй нэгж байгууллагуудаар болон товлосон обьектуудад очих, буцах үеийн болон гадаад орноос Монгол улсад айлчилж буй төрийн өндөр дээд зочин төлөөлөгчийн айлчлалын үеийн хамгаалалтыг зохион байгуулж, дүнг тухай бүр газрын удирдлагад танилцуулан үр дүнг тооцон ажиллаж байна. Тухайлбал:

- Монгол Улсын Ерөнхийлөгч Нийслэл хот дотор төрийн болон аж ахуйн нэгж байгууллагуудаар болон товлосон обьектуудад очих, явах үеийн 69 удаагийн хэв журмын хамгаалалтанд 676 алба хаагч, 149 удаагийн замын хөдөлгөөний аюулгүй байдлыг хангах хамгаалалт, зохицуулалтанд 1769 алба хаагч;

- Улсын Их Хурлын дарга Нийслэл хот дотор төрийн болон аж ахуй нэгж байгууллагуудаар болон товлосон обьектуудад очих, явах үеийн 48 удаагийн хэв журмын хамгаалалтанд 411 алба хаагч, 232 удаагийн замын хөдөлгөөний аюулгүй байдлыг хангах хамгаалалт, зохицуулалтанд 3995 алба хаагч;

- Монгол Улсын Ерөнхий сайд Нийслэл хот дотор төрийн болон аж ахуй нэгж байгууллагуудаар болон товлосон обьектуудад очих, явах үеийн 165 удаагийн хэв журмын хамгаалалтанд 1520 алба хаагч, 386 удаагийн замын хөдөлгөөний аюулгүй байдлыг хангах хамгаалалт, зохицуулалтанд 4625 алба хаагч үүрэг гүйцэтгэв.

Нийт 316 удаагийн хэв журмын хамгаалалтанд  4113 алба хаагч, 1223 удаагийн замын хөдөлгөөний аюулгүй байдлыг хангах хамгаалах зохицуулалтанд 10389 алба хаагч ажиллаа.

Замын хөдөлгөөний аюулгүй байдлыг хангах хэсэг нь хэсгийн дарга 1, ахлах зохицуулагч  4, зохицуулагч 6, цагдаа-зохицуулагч 27, бүгд 38 алба хаагч хамгаалуулагчын зорчих чиглэлийн дагуу замын хөдөлгөөний зохицуулалтанд 5 автомашин /Вольксваген Пассат 4, Киа рио 1/, суурин станц 2, машины станц 5, гар станц 26, энгэрийн камер 16, машины камер 5, бэлэн бус торгуулийн хуудасны машин 26 ашиглаж байна.

Хэсгийн дарга, цагдаагийн дэд хурандаа Б.Эрдэнэбат

Хэсгийн хамт олон      

1. Замын хөдөлгөөний аюулгүй байдлыг хангах хэсгийн автомашины зогсоол, гадна талбай, байрны дээвэр, ахлах дэг журам сахиулагч, дэг журам сахиулагч, зохицуулагч нарын ажлын өрөө, хичээлийн 2 танхимыг дотоод нөөц бололцоогоо ашиглан засаж тохижуулав.

2. Эрүүл мэндийн урьдчилан сэргийлэх үзлэгт 68, томуугийн вакцинд 76 алба хаагчийг хамруулав.

3. Цалингийн зээл авах хүсэлт гаргасан 36 алба хаагчын өргөдлийг зохих журмын дагуу шийдвэрлэж, хэлтсийн дундын сангаас “Төрийн хамгаалалтын хэлтсийн дундын сан бүрдүүлэх, зарцуулах журам”-д заасны дагуу 4.795.000 төгрөгийг зарцуулжээ.

4. Олон улсын эмэгтэйчүүдийн эрхийг хамгаалах өдөр, эх үрсийн баяр зэрэг тэмдэглэлт өдрүүдээр алба хаагчдын гэр бүл, хүүхдүүдэд бэлэг дурсгалын зүйл гардуулав.

5. Замын хөдөлгөөний аюулгүй байдлыг хангах хэсгийн алба хаагчдын хортой нөхцлийн нэмэгдлийг олгох асуудлыг газрын удирдлагад танилцуулан шийдвэрлүүлэв.

 6. Ахлагчын өдрийг тохиолдуулан бие бүрэлдэхүүнийг Тэрэлж горхийн чиглэлд амрааж, сагсан бөмбөг, зохиолын дууны тэмцээн зохион байгуулав.

7. Замын хөдөлгөөний аюулгүй байдлыг хангах хэсгээс алба хаагчдыг нар үзэх аялал зохион байгуулав.

8. Өвөлжилтийн бэлтгэлийг хангуулах ажлыг III Цахилгаан станц ТӨУҮГ-тай хамтран зохион байгуулж, 10 алба хаагчид хөнглөлттэй үнээр нүүрс олгууллаа.

9. Амжиргааны түвшингээс доогуур орлоготой 1 алба хаагчид нүүрсний үнэ 200.000 төгрөг, 1 алба хаагчид гэрийн цагаан бүрээс, ор, хувцасны шүүгээ, зурагт, зурагтны тавиур, хөргөгч  зэрэг асуудлыг шийдэж өгөв.

Хэлтсийн алба хаагчдыг албанд нь мэрэгшүүлэх тэднийг цагдаагийн ёс зүй, стандартыг дагаж мөрдүүлэх шинээр батлагдан гарсан “Цагдаагийн албаны тухай хууль”-ийг судлуулах, өдөр тутмын үйл ажиллагаандаа Монгол улсын үндсэн хууль, бусад хууль, тогтоол, шийдвэр, Цагдаагийн байгууллагын үйл ажиллагааны журмыг мөрдлөг болгон ажиллуулахын тулд газар, хэлтсээс зохион байгуулсан сургалтанд бүрэн хамруулж ажиллав. Тухайлбал: Нийтийг хамарсан эмх замбараагүй байдлын үед ажиллах дадлага, галт зэвсэг, архив, албан хэрэг хөтлөлтийн зэрэг 16 удаагийн сургалтанд давхардсан тоогоор 215 алба хаагч, долоо хоног бүрийн сургалтын хуваарийн дагуу 62 удаагийн сургалтыг бэлтгэн нийт алба хаагчдад хичээл оров.

Цагдаагийн ерөнхий газрын даргын 2014 оны 68 дугаар тушаалаар батлагдсан “Гэр орон сууц, нийгмийн асуудал, эрүүл мэндийн хамгаалалын хөтөлбөр”, хэлтсийн 2014 оны төлөвлөгөөг хэрэгжүүлэх ажлын хүрээнд цагдаа-ар гэрийн холбоог сайжруулах, хэлтсийн үйл ажиллагааг танилцуулах, зөв ойлгуулах, тэдний санал, сэтгэгдлийг нь сонсох, нийгмийн асуудлтай зохих түвшинд судлах, газрын удирдлагад танилцуулах зорилгоор гэр бүлийн уулзалтыг зохион байгуулж, 68 алба хаагчийн ар гэрийн төлөөлөл оролцов.

                Цагдаа-гэр бүлийнхэн” уулзалтын үеэр

 Хамгаалалтын газрын 2014 оны аварга шалгаруулах сагсан бөмбөг, гар бөмбөгийн тэмцээнд 2, ширээний теннисний тэмцээний хос тоглолтын төрөлд замын хөдөлгөөний аюулгүй байдлыг хангах хэсгийн дарга, цагдаагийн хошууч Б.Эрдэнэбат, хамгаалалтын цагдаа, цагдаагийн ахлах ахлагч П.Оргилмаа нар 2, Марш тусгай бэлтгэлийн цогцолбор тэмцээнд Хэв журмын хамгаалалтын хэсгийн баг тамирчид 2 дугаар байрыг тус тус эзлэв.

Хамгаалалтын газрын “Марш-тусгай бэлтгэлийн цогцолбор” тэмцээний дараа

Цагдаа, дотоодын цэргийн 2014 оны Жудо бөхийн аварга шалгаруулах тэмцээнийг тус хэлтсийн хамгаалалтын цагдаа, жудо бөхийн олон улсын хэмжээний мастер, цагдаагийн ахлах ахлагч Доржхорлоогийн Мандахын нэрэмжит болгон 2014 оны 2 дугаар сарын 14-15-ны өдрүүдэд зохион байгуулав. Уг тэмцээнд Улаанбаатар хот, Өвөрхангай, Сэлэнгэ аймаг зэрэг 21 байгууллагын 130 гаруй алба хаагч оролцсон байна.

Цагдаагийн байгууллагын ажил үйлчилгээг олон нийт иргэдэд ил тод байлгах тэдэнд ажил үйлчилгээгээ сурталчлах ажлын хүрээнд  хамгаалалтын цагдаа цагдаагийн ахлах ахлагч Б.Хатанбаатар өсвөрийн цагдаа бүлэгт багш дасгалжуулагчаар ажиллаж, 25 хүүхдэд таеквондо, бокс, хууль эрхийн хичээл зааж, тэмцээнд амжилттай бэлтгэн оролцуулж байна.

Тус дэвжээний тамирчин хүүхдүүд 2014 онд  7 удаагийн тэмцээнд оролцсоноос 11 алт, 10 мөнгө, 14 хүрэл медаль хүртэж, багаараа нэгдүгээр байранд 1, хоёрдугаар байранд 3, гуравдугаар байранд 1 удаа шалгарсан амжилт гаргав.

1. Монгол Улсын Ерөнхийлөгч, Их хурлын дарга, Ерөнхий сайдуудын нийслэл хот болон орон нутагт ажиллах үед объектийн орчинд эргүүл зохион байгуулах.

2. Монгол Улсын Ерөнхийлөгч, Их хурлын дарга, Ерөнхий сайдуудын нийслэл хот дотор болон орон нутагт ажиллахаар автотээврийн хэрэгслээр зорчих үеийн замын хөдөлгөөний зохицуулалт хийх.

3. Гадаадын төр, засгийн өндөр дээд хэмжээний зочин төлөөлөгчдийн Монгол улсад хийх айлчлалын үеийн замын хөдөлгөөний зохицуулалт хийх.

4. Нийтийн эмх замбараагүй байдал үүссэн буюу үүсч болзошгүй бодитой нөхцөлд төрийн тусгай хамгаалалтад хүч нэмэгдүүлж хамтран ажиллах.

5. Дээд шатны байгууллага, удирдлагаас өгсөн үүрэг, даалгавар, шийдвэрийн хэрэгжилтийг ханган ажиллах.

       Тус хэлтэс 2014 онд Монгол улсын Үндсэн хууль, Цагдаагийн албаны тухай хууль, түүнтэй нийцүүлэн гаргасан эрхийн актуудыг мөрдлөг болгон цагдаагийн байгууллагаас дэвшүүлсэн зорилт, төлөвлөгөөг хэрэгжүүлэх, үйл ажиллагааны журам, стандартын хэрэгжилтийг хангах, алба хаагчдын ажлын хариуцлага, үр дүн, мэргэшил, ур чадварын түвшин, ёс зүйд тавигдах шаардлагыг дээшлүүлж, алба хаагчдын хууль ёсны эрх, эрх ашгийг хамгаалах, нийгмийн баталгаа, ажиллах нөхцлийг хангах ажлыг эрчимжүүлхэд анхааран Монгол улсын төр, засгийн тэргүүнүүд нийслэлийн төр, аж ахуйн нэгж байгууллага зэрэг  товлосон объектуудад очих, буцах, гадаадын өндөр дээд хэмжээний зочин төлөөлөгчдийн айлчлалын үеийн хэв журмын болон замын хөдөлгөөний аюулгүй байдлыг хангах хамгаалалт, зохицуулалтыг зохион байгуулахад анхааран ажиллаа.

Албан үүргээ нэр төртэй гүйцэтгэн хамт олноо хошуучлан ажилласан цагдаагийн хошууч Ж.Алтангэрэл даргатай Хэв журмын хамгаалалтын хэсэг газрын “Тэргүүний хамт олон”, хэсгийн дарга, цагдаагийн хошууч Ж.Алтангэрэл, цагдаа зохицуулагч, цагдаагийн ахлах ахлагч Ж.Баянмөнх нар Хамгаалалтын газрын 2014 оны “Ажил мэргэжлийн аварга”-аар, дэг журам сахиулагч, цагдаагийн ахмад Ю.Гантулга, зохицуулагч, цагдаагийн ахмад Э.Уртнасан, хамгаалалтын цагдаа, цагдаагийн ахлах ахлагч Ц.Одбаяр, цагдаа зохицуулагч, цагдаагийн ахлах ахлагч О.Онон нар 2014 оны хэлтсийн “Хөдөлмөрийн аварга”-аар шалгарав.

ХАМГААЛАЛТЫН ГАЗРЫН ХӨДӨЛМӨРИЙН АВАРГУУД

Хэлтсийн дарга д/х Ж.Алтангэрэла/а Ж.Баянмөнх

ХЭЛТСИЙН ХӨДӨЛМӨРИЙН АВАРГУУД

а/х Ю.Гантулга  

а/х Э.Уртнасан

а/а Ц.Одбаяр

а/а О.Онон

Хамгаалалтын цагдаа, цагдаагийн ахлах ахлагч Д.Мандах Самбо бөхийн Олон улсын хэмжээний мастер, хэсгийн дарга, цагдаагийн хошууч Ж.Алтангэрэл буудлагын, дэг журам сахиулагч цагдаагийн дэслэгч Ц.Дөлбаяр хөл бөмбөгийн, цагдаа зохицуулагч, цагдаагийн ахлах ахлагч Ж.Нямдаваа хөнгөн атлетикийн Спортын мастер цолоор шагнагдав.

Олон улсын хэмжээний мастер цагдаагийн ахлах ахлагч Д.Мандах, Э.Халиунболд

      Цагдаагийн байгууллагад идэвхи зүтгэл гарган ажилсан хамгаалалтын цагдаа цагдаагийн ахлах ахлагч Д.Мандах Цэргийн хүндэт медаль, ахлах зохицуулагч, ахмад Ж.Баярсайхан ЦЕГ-ын цагдаагийн гавьяа, хэсгийн дарга, цагдаагийн хошууч Ж.Алтангэрэл, хамгаалалтын цагдаа, цагдаагийн ахлах ахлагч Б.Хатанбаатар нар ЦЕГ-ын Спортын алдар тэмдгээр, зохицуулагч, цагдаагийн ахмад Б.Саруулбат ЦЕГ-ын Хүндэт жуухаар, дэг журам сахиулагч, цагдаагийн ахмад Ю.Гантулга, цагдаа зохицуулагч, цагдаагийн ахлах ахлагч Б.Баянмөнх нар Дотоодын цэргийн Хүндэт тэмдгээр, хамгаалалтын цагдаа, цагдаагийн ахлах ахлагч Г.Батсүх, Г.Ганбаяр, цагдаа зохицуулагч, цагдаагийн ахлах ахлагч Ч.Самданшарав нар Хамгаалалтын газрын баярын бичгээр, хамгаалалтын цагдаа, цагдаагийн ахлах ахлагч Д.Мандах, Б.Отгонбаатар, Б.Насантогтох, Б.Хатанбаатар, цагдаа зохицуулагч А.Анхманлай, Ж.Нямдаваа нар Хил хамгаалах байгууллагын 80 жилийн ойн Хүндэт тэмдгээр тус тус шагнагдлаа.

      Цагдаагийн байгууллагаас зохион явуулж байгаа уралдаан тэмцээнүүдэд амжилттай оролцсон хэлтсийн дарга, цагдаагийн дэд хурандаа Н.Баярмагнай, хэсгийн дарга, цагдаагийн хошууч Ж.Алтангэрэл, Б.Эрдэнэбат, ахлах дэг журам сахиулагч, цагдаагийн ахмад Б.Энх-Уул, Г.Батгэрэл, хамгаалалтын цагдаа, цагдаагийн ахлах ахлагч Д.Мандах нар Албаны спортын нэгдүгээр зэрэг, ахлах дэг журам сахиулагч, цагдаагийн хошууч Я.Хорлооринбүүчий, дэг журам сахиулагч, цагдаагийн ахмад Ю.Гантулга, У.Содбаяр, Ц.Дөлбаяр, зохицуулагч, цагдаагийн ахмад Г.Даваасүрэн, хамгаалалтын цагдаа, цагдаагийн ахлах ахлагч Ц.Одбаяр, Х.Отгонжаргал, Ц.Амаржаргал, Н.Батбаатар, Г.Ган-Эрдэнэ, Ц.Хосбаяр, Г.Оргилболд, цагдаа зохицуулагч, цагдаагийн ахлах ахлагч Б.Анар, А.Анхманлай, Б.Нямцоож, Э.Эрдэнэбаяр, Г.Золжаргал, цагдаа жолооч, цагдаагийн ахлах ахлагч А.Батсайхан нар Албаны спортын гуравдугаар зэргийн тэмдгээр тус тус шагнагдав.

        Ахлах дэг журам сахиулагч, цагдаагийн ахмад Б.Энх-Уул, хамгаалалтын цагдаа, цагдаагийн ахлах ахлагч Г.Ган-Эрдэнэ, цагдаа жолооч, цагдаагийн ахлах ахлагч А.Батсайхан, цагдаа зохицуулагч Г.Золжаргал нар Монголын залуучуудын холбооны “Эр зоригын алдар” тэмдгээр шагнагдсан байна.

Хэв журмын хамгаалалтын хэсэг нь хэсгийн дарга 1, ахлах дэг журам сахиулагч, дэг журам сахиулагч тус бүр 3, хамгаалалтын цагдаа 29, цагдаа-жолооч 3, бүгд 39 алба хаагчтай хэв журмын хамгаалалтанд 3 автомашин /Старикс, Авико, Аксент тус бүр 1/, машины станц 2, гар станц 5, энгэрийн камер 4 ашиглаж байна.

Хэсгийн дарга, цагдаагийн хошууч Ж.Алтангэрэл

Хэсгийн хамт олон

Тус хэлтсийн үйл ажиллагааны онцлогыг харгалзан төрийн ордон, төрийн сүлд хийморь болсон цагаан тугыг тэмдгийн голд дүрсэлж, түүний дээр цагдаагийн байгууллагын билэгдэл цагаан шонхор шувууг эрч хүчтэй байхын шинжийг агуулан далавчаа хумин дайрахаар бэлтгэж буйгаар зурж, доод талд нь “POLICE” гэсэн үгийг байрлуулсан байна.

Түүний гадна талаар Төрийн хамгаалалтын хэлтэс гэсэн үгийг монгол, англи хэлээр тойрог хэлбэрээр бичиж, ашид мөнх өсөн дэвжихийн билэгдэл түмэн наст хээгээр хүрээлж, тойргийн дээд талд Монгол төрийн алтан соёмбо үсгийг тэмцэл, ялалтын утга агуулсан улаан өнгөөр зуржээ.

Энэ нь бүхэлдээ төрийн тэргүүнүүд, гадаадын өндөр дээд хэмжээний зочин, төлөөлөгчдийн айлчлалын үеийн хамгаалалт, зохицуулалтыг гүйцэтгэдэг төрийн тусгай-цагдаагийн байгууллага болохыг илэрхийлсэн дүрслэл бүхий тэмдэг болно.

Тэмдгийн эх загварыг Монгол улсын соёлын тэргүүний ажилтан марк зураач Цэдэнгийн Цэнгэл 2014 оны 12 дугаар сарын 24-ны өдөр эцсийн хувилбараар зурж бүтээсэн байна.  Тэрээр “Монгол шуудан” ХК-ны Маркын газарт марк, үнэт цаасны зураачаар ажиллаж байна.

    Цагдаагийн ерөнхий газрын даргын 2014 оны 06 дугаар сарын 04-ны өдрийн 389 дугаар тушаалаар Замын хөдөлгөөний зохицуулалтын хэсгийн нэрийг Замын хөдөлгөөний аюулгүй байдлыг хангах хэсэг гэж өөрчилж, Цагдаагийн ерөнхий газрын даргын 2014 оны 09 дүгээр сарын 10-ны өдрийн 553 дугаар тушаалаар тус хэсэгт 2 зохицуулагчын орон тоог шинээр нэмсэн байна.

Одоо тус хэлтэс 19 офицер, 59 цагдаагийн орон тоотойгоор ажиллаж байна.Хууль сахиулах их сургуулийн гэмт явдал судлал-эрх зүйн докторантурт 1, эчнээ эрх зүйн ангид 9 алба хаагч суралцаж байна.Нийт бие бүрэлдэхүүний 49 буюу 62,8 хувь нь дээд боловсролтой. Үүнд:  докторант 1, магистр зэрэгтэй 11 алба хаагч байна.

Бүрэлдэхүүний 6 буюу 7,7 хувь нь тусгай дунд, 21 буюу 27.0 хувь нь бүрэн дунд боловсролтой байна. Эмэгтэй алба хаагч 1 байна.

Төрийн хамгаалалтын хэлтсийн хамт олон

Төрийн ордон. 2014 оны 12 дугаар сарын 14

Цагдаагийн байгууллагад хийгдэж буй шинэчлэл, Цагдаагийн албаны тухай шинэчлэн найруулсан хуулийн хэрэгжилттэй холбогдуулан Цагдаагийн ерөнхий газрын даргын 2014 оны 02 дугаар сарын 10-ны өдрийн 70 дугаар тушаалаар Олон нийтийн аюулгүй байдлыг хангах газрын Хамгаалалтын газар /Төрийн хамгаалалтын хэлтэс/-ын бүтэц, орон тоо, албан тушаал, цол, цалингийн зэрэглэл батлагдсан.

Хэлтсийн дарга, цагдаагийн  дэд хурандаа Н.Баярмагнай

Төрийн хамгаалалтын хэлтсийг хуучнаар Нийгмийн хэв журам хамгаалах газрын Тусгай хамгаалалтын хэлтсийн Төрийн хамгаалалтын тасаг, Замын цагдаагийн газрын Тусгай хамгаалалтын тасгуудыг нэгтгэн хэлтсийн дарга 1, хэв журмын хамгаалалтын 1, замын хөдөлгөөний зохицуулалтын 1, нийт 2 хэсэг, 76 алба хаагч /үүнээс 17 офицер, 59 цагдаа/-тайгаар байгуулсан байна.

Тус хэлтсээс НҮБ-ын мандаттай Энхийг дэмжих /сахиулах/ ажиллагаанд хамгаалалтйн цагдаа, цагдаагийн ахлах ахлагч Ц.Одбаяр, З.Тунгалагтамир, Д.Нямдаваа, Г.Ган-Эрдэнэ, цагдаа зохицуулагч, цагдаагийн ахлах ахлагч Ж.Нямдаваа нарын 4 алба  хаагч 5 удаагийн ажиллагаанд оролцсон байна.

Үүнээс хамгаалалтын цагдаа, цагдаагийн цагдаагийн ахлах ахлагч Ц.Одбаяр Сьерра-леоне, Өмнөд Судан улсуудад 2 удаагийн ажиллагаанд оролцсон ба одоо Хамгаалалтын газрын “Ахлагчийн зөвлөл”-ийн даргаар сонгогдон ажиллаж байна.